ملائیشیا کے ہائی کمشنر داتو محمد اظہر مزالان کی جانب سے آن لائن انٹرنیشنل نیوز نیٹ ورک کے فوٹو جرنلسٹ سلطان بشیر کو تعریفی سند پیش

اسلام آباداوورسیزپاکستاندنیاسفارتی خبریںشخصیات

اسلام آباد: پاکستان میں ملائیشیا کے ہائی کمشنر داتو محمد اظہر مزالان نے پاکستان اور ملائیشیا کے دوستانہ تعلقات کے فروغ، سفارتی سرگرمیوں کی مؤثر عکاسی اور ملائیشین ہائی کمیشن کے ساتھ پیشہ ورانہ تعاون کے اعتراف میں آن لائن انٹرنیشنل نیوز نیٹ ورک (آن لائن) کے فوٹو جرنلسٹ سلطان بشیر کو سرٹیفکیٹ آف اپریسی ایشن پیش کیا۔

یہ اعزاز سلطان بشیر کی صحافتی خدمات اور ملائیشین ہائی کمیشن کے ساتھ ان کے مثبت پیشہ ورانہ روابط کے اعتراف میں دیا گیا۔ سفارتی تقریبات اور اہم سرگرمیوں کی کوریج میں فوٹو جرنلسٹس کا کردار خصوصی اہمیت رکھتا ہے، کیونکہ ان کی تصاویر مختلف ممالک کے درمیان تعلقات، ثقافتی ہم آہنگی اور باہمی تعاون کے پیغام کو وسیع تر عوام تک پہنچانے کا مؤثر ذریعہ بنتی ہیں۔

ملائیشیا کے ہائی کمیشن کی جانب سے یہ اعزاز پاکستانی میڈیا کے ان نمائندوں کی خدمات کا اعتراف بھی ہے جو دونوں ممالک کے درمیان دوستی، تعاون اور عوامی روابط کو اجاگر کرنے میں اپنا کردار ادا کر رہے ہیں۔

سلطان بشیر کو پیش کی جانے والی تعریفی سند اس امر کی عکاس ہے کہ صحافت، بالخصوص فوٹو جرنلزم، سفارتی تعلقات کے فروغ اور مختلف اقوام کو قریب لانے میں اہم کردار ادا کرتی ہے۔

یہ اعزاز نہ صرف سلطان بشیر کی پیشہ ورانہ خدمات کا اعتراف ہے بلکہ پاکستان اور ملائیشیا کے درمیان دوستانہ تعلقات کے فروغ میں میڈیا کے مثبت کردار کی اہمیت کو بھی اجاگر کرتا ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے