دبئی ( پی این ) انٹرنیشنل کرکٹ کونسل (آئی سی سی) کی چیمپئنز ٹرافی 2025 کے دبئی میں کھیلے جانے والے آخری گروپ میچ میں بھارت نے نیوزی لینڈ کو 44رنز شکست دے کر گروپ مرحلے میں ناقابل شکست رہا۔ دبئی کرکٹ اسٹیڈیم میں کھیلے جانے والے چیمپئنز ٹرافی کے آخری گروپ میچ میں بھارت نے پہلے بیٹنگ کرتے ہوئے مقررہ 50 اوورز میں 9 وکٹوں کے نقصان پر 249رنز بنائے۔
جبکہ جواب میں نیوزی لینڈ کی پوری ٹیم 45.3 اوورز میں 205اسکور بنا کر آئوٹ ہوگئی۔ چیمپئنز ٹرافی کے بارہویں میچ میں نیوزی لینڈ نے بھارت کیخلاف ٹاس جیت کر پہلے بولنگ کروانے کا فیصلہ کیا، میچ میں نیوزی لینڈ کی فیلڈنگ شاندار رہی، جس کی وجہ سے بھارت کوئی بڑا اسکور کرنے میں ناکام رہا ۔
دونوں ٹیمیں دبئی اسٹیڈیم میں مدمقابل ہیں جہاں یہ میچ ٹورنامنٹ میں صرف ایک رسمی کارروائی ہے کیونکہ دونوں ٹیمیں پہلے ہی سیمی فائنل کے لیے کوالیفائی کر چکی ہیں۔ اننگ کے آغاز میں آج بھارت کا ٹاپ آرڈر ناکام ہوگیا اور ابتدائی 3وکٹس 6.4اوورز میں 30رنز پر گر گئیں، شریاس آئیر 79رنز بنا کر نمایاں رہے، ہارڈک پانڈیا 45 اور اکشر پٹیل نے 42 رنز بنائے۔
بھارتی بیٹر کے ایل راہول 23، روینڈرا جڈیجا 16، کپتان روہت شرما 15 رنز بنا کر آئوٹ ہوئے، ویرات کوہلی 11، محمد شامی 5، شبھمن گل 2 اور کلدیپ یادیو نے ایک رن بنایا۔نیوزی لینڈ کی جانب سے میٹ ہنری نے 5وکٹیں حاصل کیں، مچل سینٹنر، ول او رورکے ، کائیل جیمیسن اور راچن رویندرا نے ایک ایک وکٹ حاصل کی۔ٹاس کے بعد گفتگو کرتے ہوئے بھارتی ٹیم کے کپتان روہت شرما نے کہا کہ ہم بھی پہلے بیٹنگ کرنا چاہتے تھے۔ ہرشیت رانا کی جگہ ورون چکراورتھی ٹیم شامل ہیں۔ نیوزی لینڈ کے کپتان مچل سینٹنر نے کہا کہ ٹیم میں ایک تبدیلی کی ہے، ڈیون کونوے کی جگہ ڈیرل مچل کو شامل کیا ہے۔
